الثلاثاء، 12 أغسطس 2008

انا مبن

حد عارف انا مين انا اللى بشوف الحقيقة على فى القلم والورقه بحروف وكلمات بسيطه
ولا انا اللى بيعاند فى الدنيا يمتص غضبها مره ويصرخ فيها الف
مره
انا اللى بحاول اصلح حياتى وواجه مشاكلى وبنمى افكارى برواية ادبيه او بفكره سياسيه او بكتاب فى الفلسفه او علم النفس
ادرس كورسات وادرب واشتغل وادرس
وبعدين التفكير يهدنى اشرب حاجه واتوه بافكارى لدنيا تانيه والا انا بتاع المشاكل والخناقات والشرب والبهدله ولا انا الانسان المثقف اللى بيعشق يقراء فى كتاب انا اللى بيصعب عليا المواطن المصرى وشايل هم الكون وعايز اصلح الكون انا اللى دمعة طفل تجرحه اوى اللى بيكره الظلم شجاع متعقل ولا متهور مجنون
انا اللى مقضيها بالطول والعرض انا اللى قاعد هناك فى العربيه مزيكا وشرب وسرمحه وحفالات ولا الشخص الهادى اللى قاعد هناك على كورنيش النيل
متامل او سارح مع كتاب بيكلم النيل ويفضفض باللى جواه انا مين فى دول
انا الانسان اليأس ولا اللى عنده املانا اللى مؤمن بكلمة مازال هناك امل
ولا انا اللى بفكر فى ولد الامل ليعيش وولد اليأس ليقتله
انا مين طيب فى حد كده جواه الف شخصيه وحكايه كل التناقض ده الغريبه كل اللى يعرفنى عن قرب بيقول انى متفائل جدا ومفيش حاجه
لكن لما بقعد مع نفسى اشوف الحياه غريبه مستقبل ملوش معالم بحاول اميز نفسى اخد كورسات وادرب فى نادى واشتغل واعمل كل حاجه
نفسى اختصر الزمان لكن بسمع اجراس اليأس بتقتل جوايا كل معنى من معانى التفائل
مبقتش عارف
انا مين لو حد كده يقولى انا مين...!!!؟؟؟

شعره

شعره
كثيرا منا يخلط بين الامور وذلك لتقاربها الشديد
فقد تكون هناك فروق بسيطه كالشعره ولا نستطيع ان نفرق بينها
لذلك سأكتب فى هذا الموضوع بين هذا وذاك
هناك فرق
شعره بين الثقه والغرور
شعره بين الحب والاعجاب
شعره بين النفاق والزوق
شعره بين التسامح والضعف
شعره بين الطيبه والسذاجه
شعره بين الشجاعه والتهور
شعره بين الحرية وعدم المسؤلية
شعره بين الصراحه والغشومية
وكثيرا من هذه الصفات المتشابه التى يقع فيها البعض
لذلك يجب ان نحذرها ونترقب تلك التصرفات التى
تنقلنا من معنى الى معنى اخر لذلك انصحك وانصح نفسى
ان
تكون صريحا ولا تكن غشيم وكن حر وتحمل المسؤلية
وكن شجاع بعقل وبلا تهور كن طيب ولا تكن ساذجا
ثق بنفسك بلا غرور كن متسامح عن قوه وليس عن ضعف
دائما افصل بين هذا وذاك
واعلم ان هناك فروق اكثر
فابحث عنها وتجنبها

حلم حياتك


حلم حياتك
جوه كل واحد فينا احلام وامانى كبيره او صغيره
المهم انها موجوده فمنا اللى بيدور على شهاده كبيره فى مجال ما
ومنا اللى عايز مشروع ينجح ويكبر ومنا اللى عايز شهرة وفلوس
ومنا اللى بيحلم يرتبط/ترتبط
بالانسانه اللى بيحبها
واللى بيحلم بشقه وعربيه متواضعه ترحمه من المواصالات احلام احلام احلام
وكل ما حلمك يصرخ جواك ونفسك تشوفه بيتحقق تفوجئ
بصوت يقولك بكره الحلم يتحقق...
اعمل اللى عليك انت بس
يمكن يكون صوت صديق او حد من اهلك
او حتى من نفسك
اصبر اصبر بكره الحلم يتحقق
لكن اللى بيقتل الصبر جوانا ويضعف عزمتنا فى زحمة الحياه ومشاكلها اللى
بتخلينا نتوه بافكرنا
هو سؤال واحد ونفسى فى اجابه ليه للى بيقول
بكره الحلم يتحقق
بكره ده هيجى امتى ..!!!؟؟!!

انتا عارف بقا.!!؟؟!!


انتا عارف بقا.!!؟؟!!
سبب الموضوع ده انى فى يوم واحد اتقررت 4 مرات
اولها لما روحت الجيم هاى ميروو معلش فى شهر جديد
عشان بظبط الحساب وانتا عارف بقا
بعدين لما روحت الكورسات هاى شرقاوى فى حساب الكورس المحاضرة الجاى
عشان (اليفيل الجديد) وانتا عارف بقا
بعدين لما روحت اسال على شاشة واتفقت مع المهندس على على lcd
وقالى كمان يومين بس لازم عربون (فلوس) وانتا عارف بقا التنسيق
وكلها كام يعنى وعشان قبل الكليه وانتا عارف بقا

اختى الصغيره جت وانا قاعد اخر اليوم قالتلى
ايه يا عمور مالك عموما اسيبك تستجم مع نفسك بس محتاجه طلب صغير اوى
عايزة اروح دريم بارك زاى ما وعدتنى بعد الامتحانات وادينى قدمت فىيعنى الحياه تتلخص فى كلمتين
انتا عارف بقا....
وكانى ما بعرفش حاجه غير انى مطلوب منى فلوس
بس ممكن طلب محدش معاه جنيه وربع عشان عايز اجيب زعبوت الغفير
وانتم عارفين بقا.

شباب فى واقع الحياه على امال المستقبل


شباب فى واقع الحياه على امال المستقبل
كل منا ينظر الى المستقبل بوجهة نظر مختلفة عن الاخر
فمنا من ينظر للمستقبل كنهاية لجسر يربط بين واقع وخيال
واقع الحاضر الذى بنيى على انقاض الماضى وبين خيال باحلام مشرقه
ومنهم من لم يرى للمستقبل معالم ولا اوجه حتى ولو كانت تلك الاوجه وجه امراة عجوز شمطاء
ومنهم من يراء الحاضر والمستقبل وجه لعملة واحده
اختلفت وجهات النظر ولم تختلف تلك النبضات المخيفه التى تنشاء من مرور الزمن بخطوات كبيره
تكاد تقتل وتدهس احلمنا الصغيره
نودع الماضى ونحن نمسك بالدموع كبرياء وقوه
وننتظر المستقبل بامل ولكن فى اعينا نفس الدموع
التى تنهار عند اول هزيمه

بحبك


بحبك
ما اعظمها من كلمة تحمل بداخلها كل المعانى والاحاسيس النبيلة
فالحب هو رمز الانسانيه الرحيمة
وهو تدفق من المشاعر الصادقه الفياضه بالحنين والاشواق فى قلوب المحبين
ولكن يؤلمنى كثيرا فى تلك الايام التلاعب بتلك المشاعر التى تقدس كلمة الحب
فهى الماء والهواء للقلوب ومحراب العباده وسكينة الروح فهى مسؤلية على اللسن
المحبين
فيا من يتلاعب بالحب ويرخص منه ويا من يقولها بدون ان يتحمل تلك المسؤلية قبل ان تنطق بها
تذكر ان الحب يحيى بالصدق ويموت بالكذب
فاذا لم تستطع ان تحيه فلا تميته
فقد تظن ان كلمة بحبك مجرد كلمة ولكنها قادره على تغير العالم بشرط مصدقيتها
ومهما تغير بنا الزمان والمكان وتغيرت الاشكال من حسن او قبيح يبقا الحب
كما تبقى الشمس والقمر الزهور والشجر
فكل انسان يحمل فى داخله معنى من معانى الانسانيه الرحيمة يستطيع ان يغير وجه العالم القبيح

الخميس، 24 يوليو 2008

بكل الحب احيكم

انا لسه ده اول حروف ليا هنا
اوعدكم انى ابذل قصاره جهدى فى الفتره الجايا
علشان نرتقى بشكل واسلوب الكتابه والكتاب المصرين والعرب
وبالاخص الشباب منهم ....